Сөмбел Кашапова: «Узган ел китабым чыкты!»

Укытучысы Гөлназ Муллагалиева җитәкчелегендә дип әйтик инде Гөлназның «Күңелемдә ургый хисләрем» дип исемләнгән әдәби җыентыгы нәшер ителгән. 

– Җыентыкка унлап шигырем һәм хикәям керде, – дип сөйли Сөмбел.

– Яп-яшь кыз өчен зур уңыш инде бу. Сиңа илһам еш килә, димәк?

– Төрлечә була. Кайвакытта бакчада эшләгәндә килә, кайвакытта – ял иткәндә. Күңелгә килгән юлларны тиз-тиз язып аласың да.... Шулай итеп шигырь туа.

 – Иҗат итүеңне киләчәктә дә дәвам итәрсең микән?

– Төп эшем башка булса да, күңел халәте өчен иҗат итәргә исәп. Танылган язучы Айгөл Әхмәтгалиеваның туганы бит мин! Минем дә аның кебек танылган язучы буласым килә!

– Син бит әле олимпиадаларда да катнашасың?

– Әйе. Рус һәм татар әдәбиятларыннан.

– Үз теләгең белән әзерләнәсеңме, әллә укытучың сорагангамы?

– Үзем теләп, әлбәттә! Әдәбият – мин яраткан фән бит!

– Язучыларны күбрәк авылдан чыга диләр. Авылда яшәү ошыймы сиңа?

– Бик ошый. Мәктәбемне дә, авылымны да бик яратам.

– Үсеш өчен авыл җирендә мөмкинлекләр барыбер азрактыр инде ул?

– Белмим, минем шөгыльсез торганым юк. Дүрт ел укып, сәнгать мәктәбен дә тәмамладым. Рәсем ясарга яратам.

– Тагын нишләргә яратасың?

– Ашарга әзерләргә...

– Өйдәгеләрне нинди тәм-томнар белән сыйлыйсың инде?

– Татар халкының иң тәмле ризыклары – бәлеш, өчпочмак белән!

– Киләчәктә кем булырга хыялланасың?

– Әтием үрнәгендә эшмәкәр булырга уйлыйм.

Гөлинә Гусамова.