Яңа төр динозавр табылган

Моннан бик күп еллар элек Нью-Мексикада (АКШ) табылган калдыкларны Тираннозавр Рэксның баш сөяге дип уйлаганнар. Ләкин күптән түгел бер галим сөякләрнең Рэксныкыннан аерылып торганын күреп ала. Һәм тикшеренү эшләре башлана. Нәтиҗәдә, бу сөякләрне әле моңарчы өйрәнелмәгән динозаврныкы дип билгелиләр. Ул да Тираннозаврлар гаиләсеннән. Аны Тираннозавр Макрейенсис дип атаганнар. Ул Рэкс кебек үк ике катлы автобус зурлыгында булган. 

Калдыклар күрсәткәнчә, динозавр Төньяк Америкада якынча 66 миллион ел элек яшәгән.
Безнең Җиребез тагын нинди серләр яшерә икән?