Мин дә Гарри Поттер кебек булырга уйлап торам...

Мин дә Гарри Поттер кебек
Булырга уйлап торам.
Иртән иртүк торамын да
Яңа планнар корам.
Серле таягымны алып
Мин чыгып китәм әле
Туган илем буйлап шулай
Сәяхәт итәм әле.
Кешеләрнең күңеленнән
Начарлыкны бетерәм.
Серле таягым аша
Яхшы уйлар иңдерәм.
Туган илем күге һәрчак
Ап-аяз булып торсын!
Сугышулар, кан коюлар
Тизерәк кенә тынсын!
Гарри Поттер булмасам да
Җитәрлек минем көчем.
Дога кылам әбием белән
Теләкләр ашсын өчен!

Актаныш районы Актаныш авылыннан Сабиров Самир Ренат улы, 10 яшь.