«Юл һәм мин» бәйгесендә катнашам

Исәнме, «Көмеш кыңгырау». Мин — Зәлинә Хәбирова, Актаныш «Сәләтле балалар өчен гуманитар гимназия-интернат»ының 1Б сыйныф укучысы. Без гаиләдә 3 кыз. Барыбыз да бик матурлар, бик тырышлар. Әтием-әнием безнең акыллы, тәртипле, белемле булып үсүебезне телиләр, гел ярдәм итеп торалар. Без аларны бик-бик яратабыз.

Мин буш вакытларымда рәсем, кәгазьдән, картоннан төрле эшләнмәләр ясарга яратам. Ә үскәч минем блогер буласым килә. «Юл һәм мин» бәйгесенә рәсемне дә озаклап, тырышып, күңелемне биреп ясадым. Әлеге рәсемдәге кыз — мин үзем булам. Һәрвакыт юл кагыйдәләрен үтәп, сак йөрергә тырышам.

Хәбирова Зәлинә, Актаныш Сәләтле балалар өчен гуманитар гимназия-интернатының 1б класс укучысы.