«Хәрәкәттә – бәрәкәт» проекты Урал татарлары биюе белән таныштыра

22 июнь көнне 18:00 сәгатьтә Кабан күле яр буенда «Хәрәкәттә – бәрәкәт» проекты казанлыларны Урал татарларының бию үзенчәлекләре белән таныштырачак.

Әлеге чара – Казан Мэриясе оештырган «Хәрәкәттә – бәрәкәт» проектының икенче дәресе.

Урал татарларының фольклор бию үрнәкләрен «Күпер-күпер» дип аталган композиция аша «Мирас» үрнәкле балалар бию ансамбле тәкъдим итәчәк.

«Җыен-уен» дип аталган программа кысаларында тамашачылар арасында интерактив уздырылачак, катнашучылар Урал татарларының фольклор көйләре һәм милли кием үзенчәлекләре белән таныша алачак.

«Хәрәкәттә – бәрәкәт» татар биюләренең традициясен саклауны, тарихын искә төшерүне максат итеп куя. Мастер-класслар бушлай уза.

«Җыен-уен» урал татарлары биюе буенча мастер-класс Кабан күле яр буенда (Ш.Мәрҗани урамы ягыннан, Г.Камал театрының парковкасы астында)  22нче июнь көнне 18.00 сәгатьтә узачак.

https://t.me/millikznru