Түбән Камада «Китапханә төне» акциясе узачак

Бу хакта Түбән Кама муниципаль районы матбугат хезмәте хәбәр итә.

17:00-21:00 сәгать аралыгында Габдулла Тукай исемендәге үзәк китапханәдә шәһәр халкына һәм кунакларына «Уку сәнгате» программасы тәкъдим ителә. Килгән кунакларны «Интеллект академиясе» лекцияләре, «Данко» берләшмәсе белән әдәби кичә, кычкырып укулар, ачык микрофон һәм интеллектуаль уеннар көтә.

Шул ук вакытта «Апуш» үзәк балалар китапханәсендә (Тукай урамы, 31) балалар өчен «Карлсон шаяртулары» күңел ачу программасы оештырыла. Квест-тамаша, театр-экспромт, кычкырып укулар, әдәби ярышлар, мастер-класслар һәм сабынлы дискотека – болар барысы да китапханәнең яшь кунакларын 17:00 сәгатьтән 21:00 сәгатькә кадәр көтә.

https://tatar-inform.tatar/news?page=2