«САЛАВАТIK» мәктәбе кастинг игълан итте

2 апрель көнне «САЛАВАТIK» мәктәбенә кастинг була. Ул 4-8 яшьлек талантлы балалар өчен оештырыла. «САЛАВАTIK» мәктәбендә татар теле дәресләре, хореография, актёрлык осталыгы, вокал юналешләре булачак, дип хәбәр итә оештыручылар.

Атнага ике тапкыр балалар белән тәҗрибәле укытучылар татар телендә шөгыльләнәчәк һәм алар «САЛАВATIK»лар төркеменең вәкиле булырга мөмкинлек алачак.

Барлык дәресләр дә бушлай үтәчәк. Кастингта катнашу өчен: бию; татар телендә җыр (минус яки акапельно), татар телендә шигырь өйрәнеп килергә кирәк.

Түбәндә күрсәтелгән сылтама аша узып онлайн-анкетаны тутыру сорала.

Кастинг «ТАТМЕДИА» бинасы, Декабристлар урамы, 2 йорт адресында була. Һәркемне үзе сайлаган вакытта көтәләр.

Тулырак: https://tatar-inform.tatar/news/salavatik-maktabe-kasting-iglan-itte-5885082