«ШАЯН ТВ» нейрочелтәр ярдәмендә төшерелгән «ШАЯН Галим» мультфильмын тәкъдим итте

«ШАЯН ТВ» телеканалы нейрочелтәр ярдәмендә төшерелгән «ШАЯН Галим» мультфильмын тәкъдим итте. 

Проект «ШАЯН ТВ» телеканалы базасында «ШАЯН мультфильм» берләшмәсе тарафыннан эшләнгән. Мультфильмның һәр сериясе төрле темалар буенча кызыклы фактларга багышлана.

Төп герой ШАЯН Галим яшь телевизор караучыларны мавыктыргыч итеп гаҗәеп дөнья белән таныштырачак, үзенең киңәшләрен бирәчәк. Мультфильмны «ШАЯН ТВ»ның YouTube каналында һәм телеэкраннарда карарга мөмкин булачак.