Казанда «Сөмбелә» дип исемләнгән бәйрәм тамашасы узачак
Бәйрәм Казанның Иске Татар бистәсендә оештырыла.
Иске Татар бистәсендә «Сөмбелә» дип исемләнгән бәйрәм тамашасы узачак.
Әүвәлге заманда елның сихри фасылында – көн белән төн тигезләшкән мәлдә, амбарларга ашлык җыеп алынганнан соң татар халкы уңыш бәйрәме – Сөмбеләне үткәргән.
Быел ул Казанда 30нчы сентябрь көнне уздырыла. Бу хакта Казан мэриясенең телеграм каналы хәбәр итә.
Бәйрәм Иске Татар бистәсенең Зәйни Солтан скверында - Ш.Мәрҗани мәчете янәшәсендәге сәхнәдә үтәчәк. Башлана 13.00 сәгатьтә. Чара театральләштерелгән тамаша рәвешендә җыр-моң белән үрелеп барачак.
Кичә ахырында бәйрәмгә җыелган халык белән җырлы әйлән-бәйлән оештырылачак.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев