Казанда Республика мәктәп футбол лигасының финал этабы үтәчәк

4 - 6 сентябрь көннәрендә Казанның «Буревестник» стадионында Татарстан Республикасы мәктәп футбол лигасының финал уеннары узачак. Бу хакта ТР Спорт министрлыгы сайты хәбәр итә.

Ярышларның бу этабында республиканың төрле почмакларыннан муниципаль этапларда җиңүче командалар очраша.

Муниципаль этапта республиканың 13 районыннан, Әгерҗе, Әлмәт, Бөгелмә, Буа, Биектау, Алабуга, Зәй, Яшел Үзән, Кама Тамагы, Мамадыш, Нурлат һәм Чистай районнарыннан, шулай ук Чаллы шәһәреннән барлыгы 4 624 спортчы катнашты.

Финал ярышларының ачылу тантанасы 4нче сентябрь көнне хөрмәтле кунаклар катнашында узачак. Шулай ук әлеге көннәрдә катнашучылар өчен «Рубин» футбол командасы уенчылары белән мастер-класс та планлаштырылган.

https://minsport.tatarstan.ru/