Казанда «Милли кием» фестивале узачак

Кабан күле буенда 30 нчы августта «Милли кием» чарасы узачак, анда теләгән һәркем үз халкының милли костюмында килә ала. Аны үткәрү вакытында, 12:00 сәгатьтән 21:00 сәгатькә кадәр, Мәрҗани урамы җәяүлеләр өчен генә ачык булачак.

Программада милли айдентика белән эшләүче дизайнерлар һәм брендлар маркеты; милли аксессуарлар булдыру буенча мастер-класслар; милли киемнәрне киеп мода күрсәтү; ТР Филармония джаз оркестры чыгышы; костюмнар һәм аксессуарларга багышланган экскурсияләр каралган, ә чара режиссер Айдар Җәббаровның «Тукай Казанга кайтты...» авторлык спектакле белән тәмамланачак.

Шулай ук танылган татар эшлеклеләре образларына багышланган «Кием галәме» күргәзмәсе дә ачылачак. Ул Камал театрыннан төшү юлында булачак.

Чыганак: 

https://kzn.ru/meriya/press-tsentr/novosti/v-kazani-proydet-festival-mil...