Чаллыда «Мәктәпкә җыенырга ярдәм ит» хәйрия акциясе башланды

Яңа уку елы алдыннан "Бердәм Россия" партиясенең Чаллы бүлекчәсе һәм "Нур" яшьләр үзәге «Мәктәпкә җыенырга ярдәм ит» хәйрия акциясе уздыра.

Акция 7 августтан 25 августка кадәр "Нур"яшьләр үзәгендә уза.

Хәйрия акциясендә катнашу өчен "Нур"яшьләр үзәгенә канцелярия товарлары, мәктәп кирәк-яраклары, дәфтәрләр, альбомнар, балалар иҗаты өчен җыелмалар, портфельләр, мәктәп формасы, дәреслекләр, әдәби китаплар алып килергә мөмкин. Бу товарлар барысы да яңа булган очракта гына кабул ителә.

Җыелган канцелярия товарлары һәм мәктәп кирәк-яраклары аз тәэмин ителгән һәм тулы булмаган гаиләләрдәге һәм ата-анасыз калган балаларга тапшырылачак.

Белешмәләр өчен телефон: 8-8552-39-68-29.