Бүген Казанның «Черек күл» паркында игезәкләрнең «Икеләтә бәхет» фестивале узачак. Чара «Мәдәни чәршәмбе» проекты кысаларында булачак.

Катнашучыларны коры пастель белән диңгез пейзажлары рәсеме буенча мастер-класс, актер-клоун Руслан Риманас һәм фокусчы Әнәс Халиуллин чыгышы, шулай ук Blackwood акустик дуэтының музыкаль номерлары көтә. Кичә «Няньки» фильмын күрсәтү белән тәмамланачак.

«Икеләтә бәхет» фестивале 18:00 сәгатьтә башлана. Керү ирекле, дип хәбәр итә Казан Башкарма комитетының Мәдәният идарәсе.

https://tatar-inform.tatar/news/cerek-kul-parkynda-ikelata-baxet-igezaklar-festivale-uzacak-5873873