3 һәм 4 октябрьдә «Нур» яшьләр үзәгендә шагыйрь Сергей Александрович Есенинның тууына 127 ел тулуга багышланган «Гори, звезда моя, не падай...» дигән әдәби-музыкаль очрашу узачак.

Тамаша күрсәтү көннәрендә тамашачылар игътибарына шагыйрь шигырьләре, актерларның символик гамәлләре һәм театральләштерелгән язмалар аша Есенин образы тәкъдим ителәчәк һәм аның тормышындагы вакыйгалар күрсәтеләчәк. Чара кунаклары шагыйрь иҗаты белән дә, аның тирән, фәлсәфи, ялкынлы һәм сизгер шигъри табигате белән дә таныша алачак.

Чара «Нур» яшьләр үзәгендә 3 октябрь көнне 16:00 һәм 18:00 сәгатьләрдә, 4 октябрь көнне 15:00 сәгатьтә узачак.

http://nabchelny.ru