Чаллыда мәктәп үзидарәсен җитәкләргә теләүчеләр көч сынаша

Чаллы укучылары арасында мәктәп спикеры һәм депутаты постына кандидатларның сайлау алды кампаниясе старт алды. 8нче сентябрь көнне мәктәпләрдә укучыларның мәктәп советлары спикерларын сайлау узачак. Бу хакта Чаллы мэры матбугат хезмәте җитәкчесе Римма Мөхәммәтҗанова телеграм каналда хәбәр итә.

Быел укучыларның мәктәп советлары спикерлары постына 423 кандидат дәгъва итә. Үзидарә лидерларын сайлауда 1-11 сыйныф укучылары катнаша.

Мәктәп үзидарәсен җитәкләргә теләүчеләрне рекордлы саны –  35 кеше 14нче гимназиядә теркәлгән.

10нчы сентябрьдә мәктәп укучылары советларының сайланган спикерлары инаугурация процедурасын узачаклар һәм мәктәп үзидарәләре лидерлары буларак үз вазифаларына керешәчәкләр.

Фото Анна Главатских/архив