«Ачыш» шәһәркүләм фестивалендә 2нче гимназиянең «Тылсым» театр студиясе l урын алды

Мәктәп театр студияләренең «Ачыш» («Открытие») шәһәркүләм фестивалендә 2нче гимназиянең «Тылсым» театр студиясе l дәрәҗә дипломга лаек булды.

Бу – дәвамлы, тырыш хезмәт нәтиҗәсе. Гимназия укучыларында сәхнәгә мәхәббәт тәрбияләүче, үз hөнәрләрен намус белән башкаручы өстәмә белем бирүче педагоглар Шиhапова Энҗе Фрунзе кызына, Әскарова Чулпан Рифкать кызына зур рәхмәт!

Әлеге остазлар тырышлыгы белән яшь тылсымчы артистларыбыз көннән-көн остаралар, төрле бәйгеләрдә катнашып, үз-үзләренә ышанычларын арттыралар.

Шагыйрь әйткәнчә «Театр яктылыкка, нурга илтә». Ә ул нур безнең гимназияне дә «яктырта», укучыларыбызны канатландыра, без шуңа рәхмәтле!