08.08.2017 14:46

Мәхәббәт

Автор  Нияз Акмал
Оценить
(1 голос)

 

Алдыгызга

алсу гөлләр җәям,

Юлыгызга – яшел аланнар.

Мең мәртәбә бәхетледер җирдә

Мәхәббәтен таба алганнар.

 

Мәхәббәтнең күге – гел кояшлы,

Тугайлары – һәрчак тургайлы.

Мәхәббәтнең таңы – гел былбыллы,

Мәхәббәтнең төне – гел айлы...

 

Әгәр күңелең мохтаҗлыкка чыкса

Һәм теләсә синнән бер аклык, –

Бу гөнаһлы җирдә яши алган

Мәхәббәттә генә гөнаһ юк!

 

Яралавы аның – шифа гына,

Язмыш сине үтсә яралап, –

Мәхәббәтең саклап калыр һәрчак,

Мәхәббәтең калыр аралап.

 

Алдыгызга алсу гөлләр җәям,

Юлыгызга – яшел үләннәр.

Мең мәртәбә бәхет телим сезгә,

Мәхәббәтен таба белгәннәр!..

Еще в этой категории: « Ләйлә сабак алды

Добавить комментарий


Защитный код
Обновить