Слайдер

<p><span style="font-family:Georgia,serif;"><span style="font-size:16px;"><a href="http://chelny-rt.ru/news/bygelr/i-yakhshy-kitap-bizche-bygesen-nti-yasyybyz">Бәйгедә кемнәр җиңде? Беләсегез киләме?</a></span></span></p> <p><span style="font-family:Georgia,serif;"><span style="font-size:16px;">Катнашучыларның рәсемнәре.→</span></span></p>

<p><span style="font-family:Georgia,serif;"><span style="font-size:16px;">Матур сурәтләрдә калды ул. </span></span><span style="font-family:Georgia,serif;"><span style="font-size:16px;">Ләйлә Мирзаһитова фотолары.</span></span></p>

Безнең “Күбәләк” балалар бакчасына йөрүче балалар язны сагынып көтеп алдылар. Чөнки бер ел фасылы белән дә тиңләштереп булмый торган матурлык урамда. Бигрәктә май ае. Бөтен җирдә хуш ис, чәчәкләр исе, бал исе. Май аен чәчәкләр ае дип тә атыйлар. Ай башында сиреньнәр, шомыртлар чәчәккә күмелә. Тузганаклар сап-сары чәчәк ата. Без балалар белән нәкъ менә шул тузганаклар белән танышырга булдык. Безнең бакчабыз яныннан ерак түгел бик күп үсәләр алар. Алардан бал ясап булуы турында, файдалы үлән итеп куллануныда белделәр алар. Кызларыбыз башларына тәкыя үрергә өйрәнделәр. Ә иң мөһиме балалар үсемлекләр белән танышуларын дәвам итте, тузганак чәчәген танырга, исемен әйтергә, төзелешен (чәчәге, сабагы, яфраклары) буенча аера белергә өйрәнде. Сүз байлыгын киңәйттеләр. Шулай ук балаларыбызның сенсор тою һәм кабул итү сәләтен, игътибарын, күзәтүчәнлеген үстерергә тырыштык. Үсемлекләргә карата сакчыл караш тәрбияләдек. Табигать белән турыдан-туры аралашу аларның күңелендә шатлык хисләре уятты. Хисләрне аңлатып бетергесез иде... Мөслим “Күбәләк” балалар бакчасының I категорияле тәрбиячесе Абдуллина Резедә Рифкать кызы.

Безнең балалар бакчасында төрле атналыклар бара. “Без янгынга каршы!” атналыгы да булып узды. Шушы уңайдан күп чаралар үткәрелде. Тематика буенча рәсемнәр, кул эшләре күргәзмәсе, шигырь конкурсы, флешмоб һ.б. узды. Балалар, әти-әниләр бик теләп катнаштылар. Бу атналыкта 3нче “Әтәчкәй” төркеме дә бик актив булды. Янгын бит ул зур афәт! Ул – бик куркыныч һәм явыз күренеш. Балаларны кечкенәдән янгын куркынычсызлыгына өйрәткән очракта гына, нәтиҗәләргә ирешергә мөмкин. Шуңа күрә бу юнәлештә эшне һәрдаим алып барырга кирәк. Әйдәгез, табигатьне, матур бай урманнарыбызны, йорт-җирләребезне һәм гомерләбезне саклыйк! Ләйсән Әхмәтшина, Ландыш Мөхәмәтҗанова, Чаллы шәһәренең 72нче “Антошка” балалар бакчасы тәрбиячеләре.

Безнең 42нче “Ал чәчәккәй” балалар бакчасында хәрби-патриотик “Аҗаган” уены үткәрелде. Уенда мәктәпкә әзерлек төркемендә тәрбияләнүче балалар һәм аларның әтиләре катнашты. Уенның максаты – балаларның бердәмлекләрен, өлгерлек, кыюлык, җитезлекләрен арттыру, Ватанпәрвәрлык хисләре тәрбияләү иде. Эшчәнлек залда Россия хәрби көчләре турында презентация карау белән башланды. Ул физик культура тәрбиячесенең чыгышы белән үрелеп барды. Балалар Ватанны саклаучылар турында җырлар җырладылар, шигырьләр сөйләделәр. Уенның төп өлеше бакча ишегалдында дәвам итте. “Генерал” кулыннан һәр төркем капитаннары да яулап алынасы каршылыклар турында схема-карталар алдылар. Алар “дошман танкларын” юк иттеләр, “явыз көчләрнең самолетларын” бәреп төшерделәр, “дошманга” сиздермичә генә шуышып үтеп, миналанган мәйданны “чистарттылар”. Биеклекне алу һәм байракны эзләп табу – кечкенә “сугышчылар” өчен авыр да, шатлыклы да булды. “Генерал” аеруча батырлык күрсәткәннәре өчен балаларга рәхмәт сүзләре җиткерде, медальләр белән бүләкләде. Бакчабыз мөдире, әтиләр дә балаларга күрсәткән батырлыклары, кыюлыклары өчен мактау сүзләре әйттеләр. Соңыннан барлык катнашучылар да тәмле солдат боткасы белән сыйландылар. Мондый чаралар балаларда Ватаннарына карата мәхәббәт хисләрен арттыра, илебезнең хәрби көчләренә карата кызыксынучанлык тәрбияли. Гильфанова Альмира, 42нче “Ал чәчәккәй” балалар бакчасының югары квалификацияле тәрбиячесе.

Көннәр аяз, күктән алсу Нур сибеп, кояш көлә. Җиргә тама көмеш тамчы - Сагынып көткән яз килә. Озакка сузылган карлы-буранлы салкын кыштан соң, җиребезгә яз аяк баса. Кояш үз нурларын көннән-көн күбрәк чәчә. Ул бөтен табигатьне йокыдан уятырга тели. Хуш киләсең, ямьле яз! Яз иң матур вакыт. Балалар гына түгел, олылар да кояшлы көннәргә бик шатлана. Шушы матур чорда безнең әти-бабаларыбыз, әни-әбиләребез, якыннарыбызның бәйрәме. Шушы бәйрәмнәрдә бергә җыелып күрешәбез, сөйләшәбез, уйныйбыз, балаларыбыз үзләренең осталыкларын күрсәтеп сөендерәләр, кул эшләнмәләрен чын күңелдән бүләк итәләр. Олылары да, кечеләре дә яз кояшыдай җылы елмаюлары, аяз йөзләре белән яшәргә дәрт өстиләр. Һәрвакыт күк йөзе аяз, дөньяларыбыз тыныч, балаларыбызга шатлыклы тормыш алып килсен языбыз. Зәңгәр күктә язгы кояш елмая, күңелле дә соң яз көне! Азнакай шәһәренең 18 санлы “Улыбка” балалар бакчасының кече яшьтәге төркем балалары, әти-әниләре һәм тәрбиячеләре Гөлназ Аетова, Гөлгенә Заһидуллина, Гөлнара Гадиева.

Быел Татарстан Язучылар берлегенең Чаллы бүлеге оешуына 40 ел тулды. Шул уңайдан, Чаллыда әдәбият көннәре узды. Татарстанның төрле төбәкләреннән җыелган мөхтәрәм язучылар Чаллы мәктәпләрендә укучылар белән очрашуларда булдылар. Ә 28нче февраль көнне, 41 санлы урта мәктәптә, чараның үзенчәлекле йомгаклау кичәсе узды. Әлеге вакыйганың олылыгын дәлилләп, кичәгә Чаллы шәһәре хакиме Наил Мәһдиев, шәһәр башкарма комитеты җитәкчесе урынбасары Рамил Хәлимов, мәгариф һәм яшьләр идарәсе башлыгы Рөстәм Хуҗин, мәктәп директорлары, җәмәгать эшлеклеләре һәм башка бик күп мәртәбәле кунаклар килгән иде.

Мөслим районы Вәрәшбаш авылында туган тел көненә багышланган кичә үтте. Анда рәссам-бизәүче Фаил Ислам эшләреннән күргәзмә оештырылган иде. Бу альбомда сез Вәрәшбаш авылы музее, балалар бакчасы, анда үткән кичә, күргәзмәдән фотолар күрә аласыз.

Чаллы шәһәренең 52нче мәктәбендә Татарстан Язучылар берлеге әгъзасы, Татарстанның атказанган мәдәният хезмәткәре Мирһади Разовның иҗатына багышланган әдәби-музыкаль кичә булды.

Чаллыда туган тел көненә багышланган шигырь уку бәйгесе оештырылды. Бәйгедә балалар төрле телләрдә - татар, рус, чуваш, әзәрбәйҗан, төрек, инглиз телләрендә шигырьләр сөйләделәр.

Мөслим районы Вәрәшбаш авылы балалары әтиләренә 23нче февральгә шундый матур кул эшләре ясаганнар.

Мәктәпнең 8нче, 6нчы һәм 5нче сыйныф укучылары «Көмеш кыңгырау» республика газетасы хезмәткәрләре белән очрашты. Очрашу мизгелләре.

Бүген Чаллының үзәк китапханәсендә шагыйрь Мәхмүт Газизов истәлегенә багышланган кичә булды. Кичәгә укытучылары Фирая Галимханова белән 10нчы мәктәпнең 2нче"В" сыйныфы укучылары килгән иде. Шул кичәнең кайбер мизгелләре.

27 гыйнвар – Ленинград блокадасы өзелгән көн. Шушы көнне Чаллының 29нчы гимназиясендә булган чарада «блокада икмәге» турында да искә алдылар. Суыш афәте, блокада турында шигырьләр фильмнардан өзекләр белән үрелеп барды ул тамаша. Җыр, бию, матур сүзләр...

Әгерҗе районы Исәнбай авылында бик матур кар сыннары ясыйлар икән. Айгөл Исмәгыйлева фотолары