Педагогия университетында әдәби очрашу

Әлеге әдәби очрашуны  Татарстанның атказанган мәдәният хезмәткәре, филология фәннәре кандидаты, доцент, җырчы-галимә Дания Сибгатуллина-Нигъмәтҗанова оештырган иде. Кичәне Яр Чаллы педагогия университетының  татар теле һәм әдәбияты, аларны укыту методикасы кафедрасы мөдире, филология фәннәре кандидаты Радик Галиуллин башлап җибәрде.  Кичәне оештыручы галимә Дания Сибгатуллина-Нигъмәтҗанова башта студентларны шагыйрәләрнең тормыш һәм иҗат юлы белән таныштырды. Аннан соң шагыйрәләрнең үзләренә сүз бирде. Алар студентларны шәһәрдәге әдәби тормыш һәмүзләренең иҗатларыбелән якыннан таныштырып, шигырьләрен сөйләп үттеләр. Студентларның сорауларына җавап бирделәр. Алар арасында да каләм тибрәтүчеләр бар икәнен белеп сөенделәр. Киләчәктә студентларга алган һөнәрләрен тугры калып, милләт һәм тел сагында хезмәт итәчәкләренә ышаныч белдереп, аларга уңышлар теләделәр. Кичә Г.Исхакый, А. Алиш премиясе лауреаты,танылган әдип, композитор  Факил Сафин Әлфия Ситдыйкова сүзләренә  көй иҗат иткән, Дания Сибгатуллина башкаруындагы, “Җилкән” җыры белән тәмамланды.