Көмеш кыңгырау

Кара карлыган белән әфлисуннан витаминлы желе

М-м-м, тәмле һәм файдалы. Телегезне йотмагыз!

Кирәк була:

кара карлыган - 1 кг;

әфлисун – 2 данә;

шикәр комы – 1,5 кг.

Эш барышы:

Башта җиләкне җентекләп карап чыгабыз, чистартып салкын су белән яхшылап юабыз. Шуннан соң салфеткага җәеп саркытабыз.  Әфлисуннарны яхшылап юабыз һәм кискәләп төшләрен алабыз.

Хәзер карлыган һәм әфлисун кисәкләрен вак тишекле иттарткычтан чыгарабыз. Шикәр комы өстибез һәм эреп беткәнче яхшылап болгатабыз.

Карлыганлы әфлисунлы массаны стерильләштерелгән банкларга салабыз, пластик яки тимер капкач белән ябабыз. Салкынча урында саклыйбыз.

Нравится
Поделиться:
Реклама
Комментарии (0)
Осталось символов: