Үскәч кем булырга?
Мин мәктәптә 3-4 сыйныф укучылары арасында «Киләчәктә кем булырга?» дигән темага сорашу үткәрдем. Минем үземә иң актуаль һөнәрләр программист та юрист кебек тоела. Әмма җаваплар бик тә төрле булды.
Мәсәлән, 3нче сыйныф укучысы Галия, кыз кеше булса да, полициядә эшләргә хыяллана икән. Юрист булырга теләүче дә табылды. Әнәс шул һөнәрне сайларга җыенам диде. Ә Сөмбел укытучы булам ди. Әлбәттә, укытучы бик кирәкле һөнәр. Әмма безнең кебек бик тә төрле балалар белән авырдыр инде. Сөмбелдән укытучы чыгачак – кечкенәрәкләрне өйрәтергә, киңәш бирергә ярата ул.
3нче сыйныф укучысы Зәмирәнең яраткан һөнәрләре икәү хәтта: фотограф һәм табиб. Кара инде, бер-берсеннән бигрәк ерак бит бу һөнәрләр. Зәмирә кайсын сайлар икән?
Дуслар, ә миңа беләсезме, нәрсә кызык тоелды? Берәү дә маникюр ясаучы булам, димәде, матурлык салоннарын телгә алмады. Ә бит күпләр шөгыльләнә хәзер мондый бизнес белән. Акчалы эш, диләр.
Ә сез һөнәр сайлаганда нәрсәгә карыйсыз? Ул һөнәр турында интернеттан укыйсызмы? Шул һөнәр ияләреннән сорашасызмы? Языгыз әле, яме!
Нәфисә Шәяхмәтова, Мамадыш районы, Дүсмәт мәктәбе.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Комментарии
0
0
тагын сөйләтегез әле
0
0