Көмеш кыңгырау

ЯН, КҮҢЕЛ!

Сүнмә, дөрлә, мәңге ян, күңел!..

Беренче дә булмый, бишенче дә...

Мәхәббәт ул салкын сан түгел,

Кайнар яшьлектә дә, картлыкта да

Сүнмә, дөрлә, мәңге ян, күңел!

Ваклап сатылмый да, алынмый да,

Мәхәббәт ул товар, мал түгел.

Дөнья малларыннан өстен калып,

Сүнмә, дөрлә, мәңге ян, күңел!

Җан серләрен илгә кычкырмыйлар,

Мәхәббәт ул оран, дан түгел.

Бик тирәндә, эчтән генә сызылып,

Сүнмә, дөрлә, мәңге ян, күңел!..

Нравится
Поделиться:
Реклама
Комментарии (0)
Осталось символов: