Көмеш кыңгырау

САБАНТУЙДА

Ай-яй... биек менгәнмен, Ничек менә белгәнмен?

Колга тора мәйданда –

Биегерәк Айдан да!

Әтәч – колга башында,

Кызыктыра барсын да.

 

Тик меналмый беркем дә –

Мин дә бар шул төркемдә.

Менә миңа да чират.

Менәм, мин дә бит ир-ат!

 

Менеп киттем тиз генә,

Тиз генә, җитез генә!

Һәм карадым түбәнгә –

Ай-яй... биек менгәнмен,

Ничек менә белгәнмен?

 

Ничекләр төшим җиргә?

Куркыта карарга да.

Торам шулай килалмый

Бернинда карарга да...

Нравится
Поделиться:
Реклама
Комментарии (0)
Осталось символов: