Көмеш кыңгырау

Мин ак болыт булып йөзәрмен дә,,,

***

Мин ак болыт булып очармын да,
Текәлермен синең күзләргә.
Син җәйләрне сөйдең, 
Ә мин сине
Алып китәрмендер көзләргә.

Ак болытлар булып йөзәрмен дә,
Тамчы булып сиңа тамармын.
Югалтырсың мине,
Ә мин сине
Һәр дәкыйка саен табармын.

Ак болытлар булып йөзәрмен дә,
Эреп югалырмын күгеңдә.
Онытырсың мине,
Ә мин сине
Гел йөртермен төсле күңелдә.

Ак болытлар булып йөзәрмен дә,
Көзләреңдә мәңге калырмын.
Югалырсың син дә,
Ә мин сине
Һәр хәятең саен танырмын. 

Автор фотосы.

Нравится
Поделиться:
Реклама
Комментарии (0)
Осталось символов: